Чупино треил 40К 2000 D+

Чупино треил 40К е вистински предизвик за тркачи.

Стартот на трката е од Градскиот парк во Виница на 370 м.н.в. Патеката минува низ с.Липец (7км) и с.Блатец (10км) од стартот со 350 м. искачување. Од с. Блатец започнува и најпредизвикувачка патека за искачување до врвот Чупино  каде 6.5 км. се со 1000 м. висинска разлика. Како мотивација за искачување до врвот, по пат добивате прекрасни погледи на Осогово (север), Кадиица(исток), Пирин (позади Кадиица), Рила(исток), Беласица(Југ), Кожув (Југ), Јабланица (запад), Шар Планина (запад), и ако имате среќа на убав чист сончев ден ќе го ѕирнете и Митикас, Грција(Југ).  Од Чупино, патеката се спушта југо-западно преку Виничка Бачија и Девет Буки Браќа (ова е најубавата делница од патеката) до врвот Лисец највисоката точка на трката од каде следи  долг спуст преку Шипоко и археолошкиот локалитет Виничко Кале се до целта  во градскиот парк. За освежување ќе има 5 пунктови  (вода, сок, електролити, храна, овошје) и тоа на 6 (само вода), 10, 15, 25 и  35тиот километар.

CHUPINO TRAIL
1.09.2019

до почетокот на трката

Задолжителна и препорачана опрема:

 

Опрема Трка
Чупино треил Бумбарска треил
Стартен број, јасно видлив, прикачен на предниот дел задолжително задолжително
Сад за вода задолжително 1 литар задолжително 0,5 литри
Астро фолија задолжително препорачано
Свирче задолжително задолжително
Јакна водоотпорна /ветроотпорна задолжително препорачано
Вклучен мобилен телефон Задолжително задолжително
Капа/бандана

Енергетска храна, гел

Планинарски стапови

Прва помош

Препорачано

 

Натпреварувачите се должни да ја носат ЗАДОЛЖИТЕЛНАТА​ опрема со себе во текот на целата трка. Организаторот има право да направи проверка на некоја од контролните точки.

За непоседување на едно парче од задолжителната опрема следуваат пенали од 30 минути,  за две следува дисквалификација.